Жаңылыктар
KRJCде япон тили боюнча сабактар жаңы форматта өттү!
24-октябрда япон тилинде баарлашуу тажрыйбасы бар балдар үчүн уюштурулган курстун катышуучулары япон тилинде сүйлөө көндүмдөрүн өркүндөтүп, андан тышкары япондордун салттуу кийими - юката аркылуу япон маданияты менен жакындан таанышууга да мүмкүнчүлүк алышты.
Программа тил үйрөнүүнү, жандуу баарлашууну жана япон салттары менен таанышууну айкалыштырып, сабакты кызыктуу жана пайдалуу кылды.
Бардык катышуучуларга кызыгуу көрсөткөнү, активдүү катышканы жана жагымдуу маанай тартуулаганы үчүн ыраазычылык билдиребиз! Бул сабак сиздерге жаңы билимдерди, жаркын таасирлерди, япон тилин жана маданиятын үйрөнүүгө болгон дагы чоң каалоону тартуулады деп ишенебиз.
Алдыда сиздерди жаңы программалар, кызыктуу сабактар жана Япония тууралуу көбүрөөк билүүгө мүмкүнчүлүктөр күтүп турат.
Биздин баракчабыздагы жаңылыктарга көз салып туруңуздар! Кийинки иш-чаралар жана алардын өтүү күндөрү тууралуу кошумча маалыматты сөзсүз жарыялайбыз!
