Жаңылыктар
31-январдан тартып үч жуманын ичинде, ар ишемби сайын япон тилин окутуунун методикасы боюнча семинар өткөрүлдү.
Биринчи сабакта катышуучулар өздөрүнүн сабактарын талдап, япон тилин окутуунун келечеги тууралуу биргелешип ой жүгүртүштү.
Экинчи жана үчүнчү сабактарда NotebookLM, GEMINI Storybook жана Language Reactor сыяктуу жасалма интеллект куралдары тааныштырылды. Катышуучулар бул куралдар менен таанышып гана тим болбостон, аларды практикада колдонуп көрүштү, окуу материалдарын даярдоо жана сабакты уюштуруу боюнча идеяларды талкуулашты.
Топтук иштин жүрүшүндө мугалимдер өз ара пикир алышып, бул алардын мындан аркы практикалык ишмердүүлүгү тууралуу кайрадан терең ойлонуп көрүүсүнө жакшы мүмкүнчүлүк түздү.
Мындан ары да япон тилин окутууга байланышкан адистердин үзгүлтүксүз жолугушууларын уюштуруу пландалууда. Бул жолугушуулар аркылуу алар бири-биринен үйрөнүп, тажрыйба алмашууга шарт түзүлөт.
