Жаңылыктар
Кыргыз-Япон адам өнүктүрүү борборунда «Маругото» япон тили курстарынын жазгы семестрин ийгиликтүү аяктаган бүтүрүүчүлөргө сертификаттарды тапшыруу аземи болуп өттү🌸
Иш-чаранын жүрүшүндө окуусун ийгиликтүү аяктаган студенттер курстун жыйынтыгы боюнча алган билимдерин жана жетишкен ийгиликтерин тастыктаган сертификаттарга ээ болушту.
Япон тилин үйрөнүүгө болгон кызыгуусу, тырышчаактыгы жана сабактарга жигердүү катышканы үчүн бардык студенттерге терең ыраазычылык билдиребиз. Курстун жүрүшүндө алган билимдериңиздер япон тилин мындан ары да өздөштүрүүгө жана Япониянын маданияты менен тереңирээк таанышууга бекем негиз болот деп ишенебиз.
Бүтүрүүчүлөрдү семестрди ийгиликтүү аякташы менен чын жүрөктөн куттуктайбыз! Япон тилин үйрөнүүдөгү мындан аркы ийгиликтерди, жаңы жетишкендиктерди жана шыктанууну каалайбыз. Сиздерди кийинки семестрде курстарыбыздан кайрадан көрүүгө кубанычта болобуз!
